Ayiti/Etazini
15 septanm 1994 : Prezidan ameriken Bill Clinton menase otorite militè ayisyèn yo
Nan yon diskou televize nan menm swa a, prezidan ameriken Bill Clinton te fòmèlman mande otorite militè ayisyèn yo, ki responsab koudeta 30 septanm 1991 la, pou yo demisyone.
Aprè li te fin mete aksan sou sitiyasyon dwa moun ki te trè grav ann Ayiti, li te anonse entansyon Etazini pou itilize fòs, si sa nesesè, pou mete fen nan sitiyasyon sa a.
15 septanm 2007 : jounen entènasyonal demokrasi
Nan lane 2007, Asanble Jeneral Nasyonzini an te pwoklame 15 septanm jounen entènasyonal Demokrasi a kòm yon pati nan yon rezolisyon ki ankouraje gouvènman yo ranfòse epi konsolide demokrasi a. Depi lè sa a, yo selebre jou sa a chak ane atravè lemond.
Jounen Entènasyonal Demokrasi a se yon opòtinite pou re-egzamine eta demokrasi a atravè mond lan. Chak ane, yo mete aksan sou yon aspè patikilye nan demokrasi.
https://www.ipu.org/impact/democracy-and-strong-parliaments/international-days/international-day-of-democracy
15 septanm : jounen entènasyonal Libète Edikasyon
Se yon evènman anyèl ki vize sansibilize moun sou divèsite metòd edikasyonèl yo epi defann dwa fanmi yo pou yo chwazi edikasyon pitit yo. Li mete aksan sou altènativ a edikasyon tradisyonèl, tankou lekòl lakay, lekòl demokratik, ak pedagoji altènatif.
Se yon asosyasyon, yon gwoup paran, edikatè, ak defansè dwa timoun ki te pran inisyativ sa pou ankouraje rekonesans diferan fòm edikasyon. Orijin li remonte nan deba sou libète edikasyonèl ak restriksyon yo enpoze nan kèk peyi sou lekòl lakay.
https://journees.net/education/journee-internationale-pour-liberte-instruction
15 septanm 1736 : nesans Jean-Sylvain Bailly
Jean-Sylvain Bailly, se pitit gason pent ofisyèl Wa Louis XVI a. Li te yon astwonòm epi yon matematisyen kite gen anpil renome.
Eli kòm depite nan Eta Jeneral yo an Me 1789, li te vin Prezidan Asanble Nasyonal la epi li te premye moun ki te fè Sèman sou Tèren Tenis la. Siksè sa a te fè l vin eli nan meri Pari de jou apre yo te fin pran Bastille la.
https://www.herodote.net/almanach-jour-0915.php
15 septanm 1821 : Konsèy pwovens Gwatemala a te pwoklame Endepandans Kostarika, El Salvador, Gwatemala, Ondiras ak Nikaragwa parapò ak Amerik Santral
Nan dat 15 septanm 1821, senk peyi Amerik Santral te deklare endepandans yo anvè Espay: Kosta Rika, El Salvador, Gwatemala, Ondiras ak Nikaragwa. Pandan de syèk ki te vin apre yo, peyi sa yo te fè eksperyans chemen diferan. Sepandan, yo fè fas ak defi komen. Sa yo enkli gwo nivo krim vyolan, koripsyon ak enpinite, povrete ak inegalite sosyal, ak adaptasyon a chanjman klimatik. Jodia, eta sa yo kolabore ak lòt eta nan rejyon an nan Sistèm Entegrasyon Amerik Santral dokiman an, ke yo rekonèt kòm Lwa Endepandans lan, te fòmalize separasyon an ak monachi panyòl la, pandan l ap envite lòt pwovens ansyen Wayòm Gwatemala yo pou voye depite nan yon kongrè nan lane 1822.
https://fr.m.wikipedia.org/wiki/Ind%C3%A9pendance_de_l%27Am%C3%A9rique_centrale
