Ayiti
1e desanm 1908 : chanjman direksyon twoup Louis Étienne Félicité Lysius Salomon
1e desanm 1908, Twoup Louis Étienne Félicité Lysius Salomon yo chanje direksyon epi deklare yo an favè revolisyon Antoine Simon an.
Nan epòk sa kabinè a te enstale nan anbasad jamayik epi kite Prezidan Alexis prèske poukont li nan palè a.
Se te yon grangou ki te pete nan sid peyi Dayiti nan menm ane a ki te lakòz vyolan revòlt sa kont Jeneral François Antoine Simon.
Sous : Haiti.net
Ayiti
1e desanm 1803 : Jeneral « Noailles » ki te « Môle Saint-Nicolas »
1er desanm 1803, Jeneral « Noailles » ki te « Môle Saint-Nicolas », nan Nòdwès, ki te dènye vil lame fransè yo te kenbe nan koloni an.
Li refize rann tèt li bay ansyen esklav yo oswa Britanik yo, li anbake ak rès twoup li yo nan yon brigantin epi li rive sou kòt sid Kiba.
Sous : Haiti Reference
Ayiti
1e desanm 1821 : pwoklamasyon premye endepandans pati lès la « l’ile d’Haiti »
1e desanm 1821, pwoklamasyon premye endepandans pati lès la « l’ile d’Haiti », ki rele kounye a Repiblik Dominikèn, ki te retounen anba dominasyon panyòl an 1814.
Repiblik Dominikèn te rantre nan yon konfederasyon avèk Kolonbi nan epòk sa.
Sous : Haiti Reference
Ayiti
1e desanm 2007 : festival Vwayajè Etonan nan peyi Dayiti
1e desanm 2007, festival « Vwayajè Etonan an Ayiti » te kòmanse avèk tèm « Tout ekriti se yon zile k ap mache. »
Se te yon evènman 3 jou ki te prezante patisipasyon kèk nan pi bon ekriven Ayiti yo, tankou Frankétienne, Lyonel Trouillo, Gary Victor, Danny Laferrière, Claude Pierre, Anthony Phelps, ak Philippe Dalembert.
Ekriven afriken Abdourahman A. Waberi, Moussa Konaté, Alain Mabanckou, ak Wilfried N’Sondé, ansanm ak ekriven franse Michel Le Bris, Jean Marie Drot, ak Alain Sanceni, te patisipe tou.
Sous : Haiti reference
Angletè
1e desanm 1135 : Henri 1er sezi twòn Angletè a
1er desanm 1135, Henri Ier, twazyèm pitit gason « Guillaume le Conquérant », sezi twòn Angletè a, ki te pou frè li Robert, aprè lanmò sanzatann Guillaume Rufus.
Pou te pèmèt gen mwens eskandal kifèt ozalantou izipasyon sa, Henri te kache l anba pretèks byen piblik la.
Li te retabli lwa « Edward » Konfesè a, ki te trè favorab pou chèf ak vasal yo. Lwa sa, te sèvi kòm modèl lè yo te pita pran Magna Carta a nan men John Lackland.
Sous : france-pittoresque
Etazini
1e desanm 1959 : siyati Trete Antatik
1e desanm 1959, Ajantin, Ostrali, Bèljik, Chili, Lafrans, Japon, Nòvèj, Nouvèl Zelann, Lafrik di Sid, Wayòm Ini, Etazini ak Inyon Sovyetik te siyen Trete Antatik la nan Washington.
12 nasyon sa yo te pwomèt pou yo itilize « Kontinan Blan » an sèlman pou rezon pasifik, pou yo kenbe l san baz militè ak tout kalite tès zam.
Sous : humanite.fr
Larisi
1e desanm 1934 : asasina « Kirov », siksesè « Staline »
1e desanm 1934, yo asasinen « Kirov », siksesè « Staline » te chwazi a. Lanmò li te sèvi kòm pretèks pou yon vag pirifikasyon sinistre nan Pati Kominis Inyon Sovyetik la, ke yo te konnen sou non « Pwosè Moskou yo ».
Akize yo nan 3 pwosè sa yo, Bolchevik ki soti nan ansyen gad leninis la, tout t ap plede koupab epi prezante eskiz piblikman.
Sous : www.herodote.net
